وعيون تداكن بميم سوادة

ماهو برادة.... ايجيني خيال اللي كحيل همادة.... من قبل ليفالي علي ميعاده ......وعارف انه لوغاب ني مستني
اموالف عليها اشياخته وقعاده .....من عيد ني كاين اصغير سني
هو كان من ندي وكنا انداده..... من بعد غيتهم اوهام ايجني
نقعد امعاه ومانمل اقعاده ...... بودور طايح ايجي متني
ترقد عليه ادير فيه اوسادة ..... امخلط سودا بلون كيف الحني
وعيون تداكن بميم سوادة ...... ترزي بشبحة في القلوب تعني
اومضحك يشكع بلنوار زيادة ..... ناصع كما الجمار لونه فني
او مشية اتقول الللا زعيم قيادة.....واتق ورايا دوم فيه تائني
واليوم عيني في الغلا نشادة ..... وقلبي معاها ع الاوهام يغني
فرقت اللي يخزر بميم سوادة......سبب وجع في الراص ماهو مني
وتميت نردح مانريد ابعاده ..... هوا فعز وخير وانا كني

ماهو منا .... اوهام الغوالي في الطرب ايجنا .... ولقلب تركب فيه شينك غنة.....خربت الفرحة من القهر زادني
يرجن الليل وبسمور ايجنا......والعقل والفهن ابدي مستني
والف اللي بشواقهن قتلنا ...... ولا عاد في نومه رقد متهني
تخطر عليه اعيون كيف رزنا.....ورموش ياناري بغل شوني
علي ماطلبته معطاش محنة ..... فيا مكر وقال ماهو مني
دلن اعقيلي وف لاخير رمنه ....زوية عدوك ياعزيز زوني
وطالب الله ايفك عقلي منه ..... ياسر علي اللي صار مارحمني

ماهو مني .....نقعد ابروحي اوهامكم يلفني ....نبقا كما المريوح ماهو مني

مشكووووووووووووور