عبر عن شعورك شارك معانا هيا

السلام عليكم جميعا
كيفكم جميعا وحال الصحةوالله مشتاقلتكم هلبه هلبه اخواتي واخواني وحبيت تشاركوني ببعض مقاطع اغاني من ثرات بلادكم وكل واحد منكم يقوول مقطع او اكثر ادا حبيتوا

-بالنسبة ليا اني من ليبيا
1-ياموج الشواطي ننشد فيك ياموج الشواطي انا الغلطان وإلا هو الخاطي.
-ريته في النهار يمشي مشي خطواته قصار منا العقل ياصاحب احتار ننظر فيه ما نرضى نهونه
-يا محلى عيونه ريت غزال يا محلى عيونه يامن الحساد ياربي اتصونه ريت غزال.
-جاوب عليا جواب ايكون إيرد الروح فياالعيب بهم والاالعيب فيا والا الصوب اقدار و معاطي
-سلمت القلب هدية وسميتك غاليه ما حسبت بتغدر بيا والله تغدر بيا تنسى حتى ماضيه
- وين اوعودك وغرامك وين المعسوول كلامك مش كنت اتقول احلامك دنيا حلوة وردية
2- لكن يبرا العظم ينكسر ويعيد لكن يبرا الا كسرة الخاطر مصيبه غبرة العظم ينكسر ويعيد. وهدي قصيدة اهديها لكم:

3-قلبي عليك ابيض بياض اسنونك وقلبك عليا اسود سواد عيونك قلبي عليك احنين وقلبك علي الحن موش امبين و نعاتبك نلقى جوابك لين واتقوول فيا ما تخييب اظنونك نزعل عليك اديرلي في اللسين ونسامح ونرضى وما قدرت انهونك قلبي عليك ابيض بياض اسنونك وقلبك عليا اسود سواد اعيونك
مربي عليك اكبيده متمروجه راحت طرووف تريده وجيتي علي شبح العيون بعيده وما عاد جابني اخبار تليفونك على الله انكانك واده بوديده ايكون مكانه كوني في كونك

قلبي عليك ابيض بياض اسنونك وقلبك عليا اسود سواد اعيونك

هادي نهاية حبنا الايطالي والا عليا اتمثلي تمثيل من قال فيا تنكري من قال ياما اتقوولي اصبر الصبر جميل زال الغلا اللي كان في مازال واللي مازال كيلته الرجا تكييل وما تنكري عندي عليك سوال وطال الرجى والصبر كان قليل يامن حكيتلك محاكي اطوال همسات حلوه في عقاب الليل هاهي اسرارك خافيه مازال بين القوافي مفصله تفصييل زماااااان كنت نددلل عليك دلال غنيتلك سجلتلك تسجيل قصة وقصيدةو اغنية وموال دكرى وصورة ولكل شي دليل سنوات من غيرك منتهي وماقدرتش عليك انمييل هدا حرام عليك مش حلال من طعنتك قاعد الدم ايسيل و ياما من امثالك في بنات اقلال وياما نصح في خلقتك جبريل ما همني دما نزف سيال نرفض اللي منك
ونرفض فيك اللي قبل نحسب فيك براس المال شلتك ونحسابك امعاي اتشييل وفيا سمعت القول حلوة عال وماكنت عمري في هواك بخيل وكاني خطيت امعاك ماشي الحال نصبر وننسى والزمان طويل

القلب اللي ينادي بسماها دار عزاها بالنار كويته وانساها.
بسماها =اسمها
اللسين =لسان
سوال = جميل
شبح =نظر

السلام عليكم ورحمة الله
الغناء ينبت النفاق في القلب كما جاء عن النبي صلى الله عليه وسلم
ولا خير فيه وهو بريد الزنى
ولا يمكن يكون في القلب كلام الله تعالى القرآن والغناء ومزمار الشيطان
انظروا تفسير قول الله تعالى ومن الناس من يشتري لهو الحديث ليضل به عن سبيل الله
اسأل الله أن يتوب علينا وعليكم

» عبر عن شعورك شارك معانا هيا
» فراق بلاعوده ( اهداء لكل من رحلوا من حياتنا ولم يعد لهم وجود معانا )
» ما هو شعورك لو عرفت أن فتاه أعجبت بك وتتمناك زوجا لها؟