في اي سن تعتبر البنت متاخرة عن الزواج

السلام عليكم ورحمة الله وبركاته

حبابي قلبي فيه موضوع تناقشت فيه أنا وكم فرد من عائلتي وأيضاً تناقشت فيه مع صديقاتي وحبيت اطرحه بين يديكم

وحده عزيزه جدا جدا جدا على قلبي تخرجت من الجامعه عمرها حاليا 24 سنه جميله وما ينقصها اي شيء
..كلمتني بيوم من الأيام وحسيت ان البنت ضاااايق صدرها من شيء ما قدرت اوصل له ..فسألتها وتفاجأت بإجابتها ..

شكت لي من أهلها انهم ينظرون لها نظرة انها تأخرت في الزواج ..
مع ان اغلب اللي حواليها اصغر وحده تزوجت وعمرها 26 ..
لكن ما فهمت وش اللي في بال اهلها ..تقول دائما يشوشون تفكيري بقولتهم إن ما احد دق الباب الين الحين ..

وتقول من سوء حظها إن اغلب البنات الي من جماعتها وكانوا صديقاتها هم في الاساس اكبر منها وكلهم تزوجوا فأزداد قلق اهلها..
وصاروا ينظرون لها وكأنها هي اللي باقي من بين البنات..

متناسين ان الزواج رزق من رب العالمين وان ربي قاسم لها رزقها من وهي في بطن امها

**

السؤال اللي حبيت اطرحه هل فعلا البنت في هالعمر تعتبر متأخره عن الزواج يعني اهلها معاهم حق في طريقة تفكيرهم ؟؟

الشي الثاني وش العمر الي برأيكم نقدر نقول بعده إن البنت تأخرت عن الزواج ؟؟

أتمنى تشاركوني بوجهات نظركم وتجاوبوني على الاسئله اللي طرحتها

» ما هوة مفهوم شرف البنت لديك هل تعلم
» البنت والهاتف
» ماذا تريد البنت من الحب ؟